السلام عليكم ..
اليوم بتكلم عن اجمل وافضل منتجات من ماكس فاكتور ونكس اللي خلتني
اعشقهم
بتكلم عن #تجربتي ل lip cream نكس ..
هو عبارة عن روج على شكل قلوس ويوضع ع الشفايف نفس طريقة القلوس بس بالنهاية يكون شكله نفس الروج
المهم ..
مره
كنت بالسوق وماكان في بالي شيء معين اشتريه جلسنا انا واختي عند قسم الميك اب وجلست عند نكس وجذبتني ارواجهم وشريتها واستخدمتها ايش اقوولكم بس !!! شهر رجعت وشريت مرة ثانية
واستمريت عليهم , احب اروواجهم الثااابتة بشكل جنوني كل ماتخلص اروح اشتري واحلى شيء طبعا انها ثابتة وتعطي مات فينش يعني من غير لمعة مو زي القلوس
وبتكلم عن تجربتي لـ #ماكس_فاكتور
هو عبارة عن قلوس مات وثابت مع ستك شفاف يعطي لمعة وترطيب للقلوس
اول ماتحطينه على شفايفك يبدا يجف ويصير مااات اللون اللي احبه وبسرعة يخلص ما القاه رقم 180 مرة حلو وجميل للجامعة وثاااابت وبطل , الستك المرطب حلوو اذا حابه تعطي لوك للقلوس او اللي شفايفهم متشققه ممكن يفيدهم
ومن مميزاتهم الماكس فاكتور ونكس :
انهم يظلووون لوقت طويل ومريحين جدا يعني لما اتوضى اكل اشرب يبقى اللون موجود جدا حبيته
عيوبهم الوحيد :
انه جاف شوي يعني اذا شفايفك جافة او متشققة انصح ماتستخدمينة الا اذا سويتي تقشير لشفايفك ورطبتيها لانه اذا كانت متشققة او جافة راح يبينها بصورة واضحة
طيب نجي نسال كيف نقشر شفايفنا خاصة لما نحط ارواج مات !!
لانه ارواج مات تبين عيوب الشفايف فكيف نخليها ناعمة ومرطبة
راح اقولكم كيف :
انا عن نفسي مخصصة فرشة اسنان ناعمة وفازلين صغير بالحمام احط فازلين على شفايفي ثم افركها بفرشة الاسنان وبعدها ارطبها واحط الارواج عادي ماسببت لي جفاف او تشقق ومره ارتحت لهذي الطريقة
استخدم مقشر اللي مرة احححبه من ذا بودي شوب هو شكله نفس قلم الروج فيه حبيبات تقشر بنكهة النعناع
طريقة استخدامه:
تحطي قبل النوم طبقة ثقيلة على شفايفك تمرريه على شفايفك بحركات دائرية وبعدها تمرري اصبعك على شفايفك عشان تتاكدين انه الشفايف تشربته وانتي طبعا راح تحسين بطبقة على شفايفك بس عادي ولما تصحين الصباح قشري شفايفك بفرشة مخصصة لشفايفك بحركات دائرية راح تلاحظين انه الجلد الميت راح يطيح معاك و راح تشوفين النتيجة شفايفك علطول بتنعم
وعشان تحافظي على طريقة التقشير اللي انتي سويتيها لازم ترتطبينها ماينفع تقشرينها وتخلينها لانه بهذي الطريقة كانك ماسويتي شيء
ومن ناحية الترطيب في كثير مرطبات انا احبهااا بس قبل :
يابنات المرطبات مالها اي فائدة اذا كنت وحده ماتشرب كمية كافية من المويه
المهم من المرطبااات اللي حبيتها :
هذا اول منتج من بيزلين
ترطيبه حلو ومايدبق ابد
من صيدلية الحبيب ... ب 10 ريال
وثاني منتج غني عن التعريف اللي هو فازلين
وثالث منتج اتعب وانا اقول جميل ترطيبه
مرطب Blistex
مرة مرة حلو اتعب وانا اقول حلو وترطيبة قووي
نقطة مهمة :
شفايفك لازم تقشيرها من فتره لفتره عشان تتخلصين من الجلد الميت
و تكون ناعمه و لونها يبرز
ولاتنسين تشربين كمية كافية من المويه
وبس ... وان
شاءالله تكونو استفدتوا <3
